Боловсрол, соёл, шинжлэх ухаан, спортын байнгын хороо өнөөдөр хуралдав. Энэ үеэр УИХ-ын гишүүн Д.Рэгдэл дараах байр суурийг илэрхийлэв.

-Их дээд сургууль бүр багш бэлтгэдэг болмоор байна. Би ОХУ-д сургууль төгссөн. Төгсөхдөө заах арга барил, сэтгэл судлал зэрэг баахан юм үзэж байгаад хичээл заах дадлага хийдэг байсан. Оросын дунд сургуульд нэг сар хичээл заагаад заар арга барилаар шалгалт өгөөд төгссөний дараа багшлах эрхтэй болдог. Харин манайд суурь мэдлэгтэй хүнийг багш болгохын тулд бүтэн нэг жил МУБИС дээр сургалт явуулах гээд үзээд байгаа. Цаана нь мөнгөний сонирхол байгаа байхгүй юу. П.Наранбаяр сайдын 45 хоногийн дамжаагаар багш бэлдэх санаачлагыг би их дэмжсэн. Одоо 45 хоногийн дамжаагаа болиод их дээд сургууль бүр багш бэлддэг болох хэрэгтэй.