Вьетнамын төвийн нутгийг “Молаве” шуурга дайран өнгөрсний улмаас 39 хүн амиа алдаж, 44 хүн сураггүй болсон тухай тус улсын Байгалийн гамшгийг уршгийг арилгах хорооноос мэдээлжээ.

Байгалийн гамшигт үзэгдлийн улмаас амиа алдсан тохиолдол Куангнам, Нгеан, Даклак зэрэг мужид бүртгэгдсэн бөгөөд амиа алдагсдын тоо өмнөх өдрийнхөөс гурваар нэмэгдсэн байна. Түүнчлэн өнөө өглөөний байдлаар олон өрх гэрэл цахилгаангүй хэвээр байгаа юм.

Вьетнамд энэ оны эхний аравсарын байдлаар хөрсний гулгалт, үер, мөндөр зэрэг байгалийн гамшигт үзэгдлийн улмаас 335 хүн амиа алдсан юм уу сураггүй болж, 913 сая ам.долларын хохирол учирсан гэж тус хорооны тайланд мэдээллээ.