УИХ-ын чуулганаар “Стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг орлуулах тухай” УИХ-ын тогтоолын төслийг хэлэлцэж эхэллээ. Энэ үеэр УИХ-ын гишүүн О.Батнайрамдал болон УИХ-ын гишүүн С.Ганбаатар нар Оюутолгойтой холбоотой яриаг өрнүүлэв.

УИХ-ын гишүүн О.Батнайрамдал "Оюутолгой"-г дампуурчихсан гэв үү. Тэгж дураараа дампуурчих төсөл биш л дээ. Чуулганы индэр дээрээс бид хариуцлагатай үг хэлэх ёстой" гэв.

УИХ-ын гишүүн С.Ганбаатар "Албан ёсоор хэлье. Оюутолгой дампуурчихсан. Өөрийн компанийн үнэ цэнээс 9 дахин өндөр зээл авчихсан байгаа компанийг дампуураагүй гэж хэлвэл бизнесийн сонгодог ойлголт байхгүй хүн болж хувирна" гэсэн юм.