Үндэсний статистикийн хорооноос долоо хоног бүрийн үнэ ханшийн мэдээллийг бэлтгэн гаргадаг. Энэ сарын 6-ны өдрийн байдлаар нийслэлд гол нэрийн зарим барааны үнэ өмнөх долоо хоногоос 0.2 хувиар өссөн дүнтэй бол аймгийн төвүүдэд зарагдаж буй гол нэрийн зарим барааны үнэ мөн адил нэмэгджээ. Тухайлбал, хонины мах килограмм нь 12555 болж 1.4 хувиар, үхрийн мах килограмм нь 2.2 хувиар өссөн бол сүүний үнэ 0.3 хувиар нэмэгдэж нэг литр нь 5077 төгрөгийн үнэтэй байна. Мөн цагаан будаа килограмм нь 3892 төгрөг болж 0.3 хувиар өсчээ.