НИТХ-ын ээлжит бус III хуралдаан эхэллээ. Хуралдаанаар нийслэлийн төсөвт нэмэлт өөрчлөлт оруулах тухай, нийслэлийн 2025 оны төсвийг батлах тухай, "Авто тээврийн бүртгэл, хяналтын төв" ОНӨААТҮГ-ыг байгуулах тухай зэрэг таван асуудлыг хэлэлцэхээр төлөвлөсөн байна. Энэ үеэр НИТХ-ын төлөөлөгч Ж.Сандагсүрэн "Авто замын газар зөвхөн зураг төсөл, ажилтан сургах, программ хангамж авахад 15-16 тэрбум төгрөг зарцуулахаар тусгасан байна. Далий зам тавьчхаад төсөв баталсан төлөөлөгч нараа “шарж” байсан шүү. Ийм асуудлыг ирэх жил гаргав аа" гэв.