Цагдаагийн албан хаагчийн хууль ёсны шаардлагыг биелүүлээгүй 672 иргэний үйлдэлд зөрчил шалган шийдвэрлэх ажиллагааг явуулж байна. Тодруулбал, гудамж талбайд болон албан үүргээ гүйцэтгэж байсан цагдаагийн албан хаагчийн шаардлагыг эсэргүүцэж хэл амаар доромжлон заналхийлж, биед нь халдах зэрэг үйлдлийг гаргасан иргэдэд Зөрчлийн тухай хуулийн 15.2-т заасны дагуу нийт 167 сая 150 мянган төгрөгөөр торгосон байна. Харин цагдаагийн албан хаагчийг албан үүргээ гүйцэтгэж байхад хүч хэрэглэсэн, хүч хэрэглэхийг завдсан, эсэргүүцсэн гэх 685 гомдол мэдээлэл бүртгэгджээ. Үүнээс 165 хэрэгт мөрдөн шалгах ажиллагаа явуулжээ.
