Монголын Татварын алба татвараас зайлсхийх, мөнгө угаахтай тэмцэхэд анхааран ажиллаж байгаа бөгөөд 2023 онд Олон улсын валютын санд энэхүү чиглэлд дэмжлэг үзүүлэх хүсэлт тавьсны дагуу техник туслалцааны хөтөлбөр хэрэгжиж байна. Энэ хүрээнд ОУВС-ын Ахлах зөвлөх Робин Сайкс, судалгааны ажилтан Хина Гупта, богино хугацааны мэргэжилтэн Том Хансен нар 10 дугаар сарын 08-ны өдрөөс 10-ны өдрүүдэд Монгол улсад ажиллаж Татвар, Гааль, Санхүүгийн мэдээлэл, Эдийн засгийн цагдаагийн болон Прокурорын байгууллагын удирдлагуудтай уулзалт хийж, “Мөнгө угаахтай тэмцэх (AML) зорилгоор татварын байгууллага, бусад байгууллага хооронд мэдээлэл солилцох, зохицуулалтыг сайжруулах” уулзалт, семинарыг 10 дугаар сарын 9,10-ны өдрүүдэд зохион байгууллаа.

Тус семинарт Татвар, Гааль, Санхүүгийн мэдээлэл, Эдийн засгийн цагдаагийн болон Прокурорын байгууллагын 145 албан хаагч хамрагдлаа.

Уулзалт семинарын үеэр татварын гэмт хэрэг, мөнгө угаах мөрдөн байцаалт чиглэлээр хамтын ажиллагааны одоогийн нөхцөл болон үйл ажиллагааны саад бэрхшээлүүд, цаашид хамтын ажиллагааг хэрхэн гүнзгийрүүлэх талаар хэлэлцэж, төгсгөлд цаашид хэрэгжүүлэх зөвлөмжийн төслийг ТЕГ-ын удирдлагуудад танилцуулав.