УИХ-ын гишүүн Г.Дамдиннямаас цаг үеийн асуудлаар тодруулга мэдээлэл авлаа. Тэрбээр "Монголбанкнаас авсан мэдээллээр Капитал, Үндэсний хөрөнгө оруулалтын банк, Чингис хаан банкуудын зохист үзүүлэлт нь уначихсан. Хэвийн үйл ажиллагаа явуулах боломжгүй. Хадгаламж эзэмшигчдийнхээ гүйлгээг саатуулж эхэлсэн байсаар байтал төрийн тусгай сангуудаас томоохон гүйлгээ хийчихсэн байдаг. Тэгэхээр бид Засгийн газрын тусгай сангуудад онцгой анхаарах ёстой" хэмээлээ.