УИХ-ын гишүүн Ж.Баярмаа, Б.Мөнхсоёл нартай холбоотой мэдээлэл өчигдөр цахим орчинд цацагдсан. Тодруулбал, "Интермед эмнэлэг өвчтөнүүдийнхээ хувийн мэдээлэл, утасны дугаар, эмнэлгийн дата зэрэг чухал мэдээллүүдийг хакердуулахад УИХ-ын гишүүн Ж.Баярмаа, Б.Мөнхсоёл нарын TPHA+ буюу тэмбүү өвчний оноштой эмчлүүлж байсан тухай мэдээлэл алдагдсан" гэх утгатай мэдээлэл нийтлэгдсэн юм.

Эл асуудлаар хоёр гишүүн өөрсдийн цахим хуудсаараа дамжуулан, үгүйсгэс

эн тайлбар хийсэн. Тэднээс гадна бусад гишүүд ч цахим орчинд байр сууриа илэрхийлсээр байна. Тухайлбал, УИХ-ын гишүүн Д.Энхтүвшин, "Өргөсөн тангарагтай үнэнч байсны төлөө УИХ-ын эмэгтэй гишүүдийг ингэж зохион байгуулалттайгаар гутаан доромжилж байгаатай эвлэрч болохгүй. Иймэрхүү үйлдлийг тэвчээд байвал ард түмний "засгийн бүх эрхийг" төлөөлөгчдөөрөө уламжлан барих Үндсэн хуулийн эрхийг амархан булааж авна. Цагдаа, шүүхэд ханд" гэжээ.