ХӨСҮТ-өөс Томуу, томуу төст өвчний нөхцөл байдал, урьдчилан сэргийлэх асуудлаар мэдээлэл өглөө. Тус төвийн мэдээллээр, өнгөрсөн долоо хоногт томуугийн яаралтай түргэн тусламжийн хүлээн авах тасгаар нийт 250 хүн хандаж эмнэлгийн тусламж авчээ. Үүнээс 0-2 насны хүүхэд 50 хувийг эзэлж байна. Одоогоор ХӨСҮТ-д 442 хүн эмнэлгийн тусламж авсны 196 нь томуугийн улмаас тусламж үйлчилгээ авчээ. Тус төв хоногт томуугийн шалтгаантай 80-90 хүүхдэд тусламж үзүүлж шаардлагатай тохиолдолд хэвтүүлэн эмчилж байгаа аж.
