"Оюу толгой" ХХК-ийн ТУЗ-ийн гишүүнээр ажиллаж байгаад ажлаа өгөөд удаагүй байсан Ж.Тана "Алсын хараа-2050" салбар дундын уялдааг хангах үндэсний хорооны Ажлын албыг ахлахаар болжээ. Тэрбээр Засгийн газрын шийдвэрийн дагуу 2023 оны дөрөвдүгээр сараас эхлэн "Оюу толгой" компанийн ТУЗ-ийн гишүүнээр ажиллаж байв.

Ж.Тана нь Харвардын их сургуулийг эдийн засагч, Зүүн Ази судлалын мэргэжлээр бакалаврын зэрэгтэй төгссөн. Улмаар Оксфордын их сургуульд бизнесийн удирдлагын магистрын зэрэг хамгаалжээ.