Филиппин улсын нийслэл Манила хотноо зохион байгуулагдаж байгаа “Miss Earth 2024” тэмцээнд Монгол Улсыг төлөөлөн үндэсний ялагч П.Цэлмэг оролцож байна. Тэрбээр олон нийтийн цахим санал асуулгаар тавд бичигдэж байгаа талаар тэмцээний албан ёсны хуудаст мэдээлсэн байна. Тодруулбал, Шилдэг 10-т Монгол болон Фижи Улс орж ирсэн талаар онцолжээ.

Дэлхийн 80 гаруй орны гоо бүсгүйчүүд өрсөлдөж буй тус тэмцээний ялагч энэ сарын 9-ний өдөр тодорно. Олон нийтийн санал асуулгаар 1-т бичигдсэн оролцогч тэмцээний финалын шатанд шууд шалгарах юм.

П.Цэлмэг нь шүдний эмч мэргэжилтэй, АШУҮИС-д нүүр ам судлал чиглэлээр магистрт суралцдаг, Andra Academy-ийн бүжгийн багш, англи хэлтэй аяллын хөтөч тайлбарлагч юм. Тэрбээр сагсан бөмбөгийн нэгдүгээр зэрэгтэй, "Авьяаслаг Монголчууд" шоу нэвтрүүлгийн шилдэг 32 оролцогчийн нэг “Hobby dance” бүжгийн хамтлагийн ахлагч, Нobby rotaract клубын төслийн хорооны даргаар ажиллаж байсан.

Монголын миссээ дэмжиж, санал өгөхийг хүсвэл missearth2024.1voting.com дараах линкээр хандах боломжтой.