О.Хулан "Ухань Шенфан" багтайгаа улирлын өмнөх хяналтын тоглолтуудаа өнгөрсөн долоо хоногт эхлүүлсэн. Өчигдөр тэрбээр, өнгөрсөн жилийн дэд аварга Өвөр Монголын багийн эсрэг сайн тоглолт үзүүлж 16 оноо авч, багаа хожилд хөтөлжээ.

"Ухань Шенфан" баг одоогоор нийт дөрвөн тоглолт хийсэн бөгөөд гурав хожиж, нэг хожигдсон байна.

Эргэн сануулахад, Монгол улсын шигшээ болон “Улаанбаатар Амазонс” багийн тоглогч О.Хулан Азийн хамгийн том лигүүдийн нэг Хятадын эмэгтэйчүүдийн лигт "Ухань Шенфан" багаас тоглох гэрээ байгуулсан. Тэрбээр манай эмэгтэй тамирчдаас анх удаа лигонер тамирчнаар сонгогдсон юм.