УИХ-ын чуулганы үдээс өмнөх хуралдаанаар Монгол Улсын 2025 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийг УИХ-аар хэлэлцэх эсэхийг хэлэлцлээ.

Энэ үеэр УИХ-ын гишүүн Б.Пүрэвдоржоос төсвийн талаарх байр суурийг нь тодрууллаа. Тэрбээр "Эрх баригчид өнгөрсөн онд Төрийн ордонд миний мэдэхийн 126 удаагийн сургалт, семинар зохион байгуулсан. Түүнээс хойших тоог алдсан. Зардлаа бууруул гэж шаардаж байсан ч ирэх оны төсөвт бүр их зардал суулгасан байна" гэлээ.