Хууль зүйн байнгын хорооны 2024.10.22-ны өдрийн хуралдаанаар 2025 оны төсвийн төсөлд тусгаад буй Хууль зүйн салбарын хэрэгжүүлэх төсөл хөтөлбөрийн талаар хэлэлцэж гишүүд байр сууриа илэрхийлсэн юм.

УИХ-ын гишүүн Х.Тэмүүжин: ХЗДХЯ-ны Дотоод хэргийн чиг үүрэгт төсвийн хуваарилалтын дийлэнх нь очдог. Барилга байшин тэр чиг үүрэгт илүү их баригдаж, хэрэгжүүлж байгаа байгууллагын төсөв л данхайгаад байдаг. Гэтэл хууль зүйн чиг үүрэг хэрэгжүүлэх хэсэгт 2013 оноос хойш одоог хүртэл төсвийн хуваарилалт байхгүй. Шүүхийн байрны засвар, стандарт "тэг" заачихсан. Тиймээс хууль зүйн чиг үүрэгтэй хэсэгт төсвийн хөрөнгө оруулалтыг нэмэгдүүлэх шаардлагатай байна.