Дуучин BX буюу Ц.Батбаатарын “My love” дууг залуу дуучин Э.Энх-Эрдэнэ шинэчилсэн хувилбараар дуулсан. Тэрбээр, энэ дуугаа ”New star” студийн 20 жилийн ойн баярын бүх оддын тоглолтонд дуулсан байна. Энэ үеэр, ”New star” студийнхэн “My love” дууг цаашид дуулах эрхийг албан ёсоор Э.Энх-Эрдэнэд гардуулан өгсөн байна.
Тэд энэ талаараа, "Э.Энх-Эрдэнэ Азийн шилдэг каунтри дуучнаар шалгарч Монголд ирээд анхны тайз нь ”New star” студийн 20 жилийн ойн баярын бүх оддын тоглолтонд, шилдэг хит дуу болох My Love дууг дуулан эгшилүүлсэн. Цаашид энэ дууг дуулах эрхийг албан ёсоор тайзан дээр гардууллаа" гэж мэдэгдсэн байна.
