Дорнод аймгийн Халхгол сумын Ялалт багийн "Аглуу застав" гэдэг газар / аймгийн төвөөс зүүн урд зүгт 330 км, сумын төвөөс баруун урд зүгт 210 км/ хээрийн гал түймэр гарсан тухай дуудлагыг 10.13-ны өдрийн 16:58 цагт хүлээн авсан. Тус аймгийн Халхгол сум дахь Гал түймэр унтраах, аврах 62 дугаар анги, аймгийн Онцгой байдлын газрын Эрэн хайх, аврах анги, сумын Мэргэжлийн ангийн алба хаагчид ажиллаж, өнөөдөр /2024.10.14/ 06:21 цагт бүрэн унтраажээ. Урьдчилсан байдлаар хээрийн гал түймэрт 16000 га орчим талбай өртсөн байна.