Коронавирусээр халдварласан нэг хүн эдгэрч дараагийн шатны ажиглалтад шилжсэн тухай ХӨСҮТ-ийн ерөнхий захирал Д.Нямхүү мэдээллээ. Эдгэрсэн иргэн Сиатл-Улаанбаатарын тусгай онгоцоор есдүгээр сарын 2-нд ирсэн, 57 настай эмэгтэй юм.

ХӨСҮТ-д  одоогоор долоон хүн коронавирусний халдварын улмаас хэвтэн эмчлүүлж байгаагаас зургаан хүний биеийн байдал хөнгөн, нэг нь хүндэвтэр байна. Сүүлийн хоёр хоногт улсын хэмжээнд вирус судлалын дөрвөн лабораторид нийт 1281 сорьцод шинжилгээ хийхэд нэг хүнд коронавирусний халдвар илэрсэн тухай мэдээлсэн билээ. Халдвар илэрсэн иргэн энэ сарын 4-нд Алтанбулаг боомтоор орж ирсэн 36 настай, эрэгтэй, ОХУ-ын иргэн бөгөөд ачаа тээврийн жолооч юм.