ХҮН-аас НИТХ-ын 2-р дугаар тойрогт нэр дэвшигч Т.Отгонбаатар, Д.Батцэцэг нар нэр дэвшигчийн үнэмлэхээ гардан авлаа

Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгууль болоход 14 хоногийн хугацаа үлдээд байна. Хуульд зааснаар өнөөдөр буюу 2024.09.26-ны өдөр нам, эвслээс болон бие даан нэр дэвшигчид өнөөдөр үнэмлэхээ гардаж авч байна.

Энэ дагуу НИТХ-ын сонгуулийн 2-р тойрог БАЯНЗҮРХ дүүргийн 1, 2, 3, 6, 7, 21, 25, 26, 27, 29, 36, 43-р хороонд ХҮН намаас нэр дэвшигч Т.Отгонбаатар, Д.Батцэцэг, Түвшинбаярын Очир нар УЗ-ийн гишүүн, "Штабын ерөнхий менежер" Д.Гантулга, УЗ-ийн гишүүн Д.Үүрцайх нараас гардан авлаа.

Төмөрсайханы Отгонбаатар нь ХҮН намын PR хариуцсан нарийн бичгийн даргаар 2022 оноос хойш ажиллаж буй бөгөөд 2024 оны 7 дугаар сараас хойш Боловсролын сайд П.Наранбаярын хэвлэлийн төлөөлөгчөөр томилогдон ажиллаж байна. Доржлхагвын Батцэцэг нь ХҮН намын Гүйцэтгэх зөвлөлийн гишүүн бөгөөд 2020 оны орон нутгийн сонгуулиар Баянзүрх дүүргийн иргэдийн төлөөлөгчдийн хуралд төлөөлөгчөөр сонгогдож ажиллаж байгаа юм. Харин Т.Очирын хувьд архитектор мэргэжилтэй, хот төлөвлөлтийн чиглэлээр ажиллах ХҮН намын шинэ үеийн төлөөллүүдийн нэг ажээ.

Ингээд НИТХ-ын сонгуулийн 2-р тойрог БАЯНЗҮРХ дүүргийн 1, 2, 3, 6, 7, 21, 25, 26, 27, 29, 36, 43-р хороонд ХҮН намаас нэр дэвшигчдийг товч намтрыг хүргэж байна.

Төмөрсайханы ОТГОНБААТАР

Боловсрол:

Эдийн засагч - Хүн ам зүйч, МУИС-ийн Эдийн засгийн сургууль

Ажлын туршлага:

АПУ Трейдинг ХХК борлуулалт, маркетинг хариуцсан менежер

АПУ ХК, бүтээгдэхүүн хөгжүүлэлтийн судалгааны менежер

“Агула консалтинг” ХХК, гүйцэтгэх захирал

ХҮН намын PR хариуцсан нарийн бичгийн дарга

Боловсролын сайд П.Наранбаярын хэвлэлийн төлөөлөгч

Доржлхагвын БАТЦЭЦЭГ

Боловсрол

Багш, орчуулагч, сэтгэл судлалын магистр, Улаанбаатар Их Сургууль, БНХАУ-ын Нанкай Их Сургууль /2016-2019/