Apple компанийн “iPhone 16 Pro” шинэ загвар энэ сард худалдаанд гарах ч хүлээгдэж байснаас бага эрэлттэй байна. Энэ нь Apple компанийн хувьцаа 3 хувиар буурахад нөлөөлжээ.

“Apple” компани ухаалаг утасныхаа шинэ загваруудын урьдчилсан захиалгыг өнгөрсөн баасан гарагт авч эхэлсэн. Дөрвөн хувилбартай гэгдэх iPhone 16 Pro болон Pro Max загваруудын урьдчилсан захиалгын борлуулалт 27 хувь болон 16 хувиар тус тус буурсан гэх зарим шинжээчийн дүгнэлтийг Ройтерс /Reuters/агентлаг мэдээлэлдээ дурджээ.

Энэ удаагийн iPhone загвар хиймэл оюуны Apple Intelligence технологийг үйлдлийн системдээ шингээсэн гэдгээрээ онцлог. Үүнээс гадна камерын хувьд нэлээд сайжруулж, шинэ үеийн процессороор тоноглож, шинэ товчтой болсон юм. Дашрамд дурдахад, “iPhone 16" шинэ загвар энэ сарын 20-нд худалдаанд гарахаар товлогдсон бол өнгөрсөн намрын тэсрэлт iPhone 15 байсан юм.