Эрүүгийн цагдаагийн алба болон Мөрдөн байцаах алба хамтран улсын хэмжээнд зохион байгуулах "Хянамгай байя" аяны хүрээнд хийгдэх ажил, тодорхой төрлийн гэмт хэргийн нөхцөл байдлын талаар мэдээлэл өглөө.

Сүүлийн жилүүдэд Монгол Улсын иргэд гадаад улсад тэр дундаа Тайланд, Турк, Филиппин, Вьетнам зэрэг улсад мөрийтэй тоглоомын сайт байгуулан Монгол иргэдийг хохироох асуудал ихэсжээ. Эдгээр этгээдүүдийг Монгол Улсад "Шувуу" ажиллагааны хүрээнд орогносон газраас нь шилжүүлэн авчирч хариуцлагыг нь хүлээлгэнэ гэдгийг ЭЦА-аас мэдэгдэв. Тодруулбал, Эрүүгийн хуулийн тусгай ангийн 20.3 буюу зохион байгуулалттай бүлэг байгуулах хэсэгт зааснаар эрүүгийн хэрэг үүсгэж, яллагдагчаар татахаар холбогдох мөрдөн шалгах ажиллагааг интерполын үндэсний төв товчоотой хамтран явуулж байгаа аж.