Олимпын наадмын чөлөөт бөхийн барилдааны эрэгтэйчүүдийн 65 кг-ын жинд МУГТ Т.Тулга шөвгийн наймын барилдаанаа Арменийн бөх Вазген Теванянтай хийж, 7:5 харьцаатайгаар ялалт байгууллаа. Эрэгтэйчүүдийн 65 кг-ын жинд дэлхийд нэгдүгээрт эрэмбэлэгдэж буй тамирчинг манай тамирчин ийнхүү ялав.
Тэрбээр шөвгийн 4-д Японы бөх Киёока Котаро болон Пуэрто Рикогийн Себастьян Ривера нарын ялсантай барилдана.
