Монгол Улс хог хаягдлын дахин боловсруулах хэмжээг 2025 онд 30 хувь, 2030 онд 40 хувьд хүргэх, Ногоон хөгжлийн бодлогод байгальд булж зайлуулах хаягдлын хэмжээг 2030 онд 40 хувь бууруулах зорилтыг тус тус дэвшүүлээд буй. Тэгвэл иргэдийн ангилан хаяж буй хог хаягдлыг тээвэрлэн авч, дахин боловсруулах үйл ажиллагааг "TML Plastic" хуванцар сав дахин боловсруулах үйлдвэр явуулж байна.
Энэ талаар тус үйлдвэрийн маркетингийн менежер Б.Анударьтай ярилцлаа. Тэрбээр "Хогоо ангилж хаях тал дээр иргэд тааруу байна. Манайд хогоо нийлүүлж байгаа дийлэнх СӨХ-ны үйлчлэгч нар нь өөрсдөө хогоо ялгаж өгдөг. Эх дэлхийнхээ ногоон ирээдүйн төлөө иргэн бүр хогоо ангилж, гар бие оролцоосой" гэж байлаа.
