Засгийн газрын ээлжит хуралдаан өнгөрөгч долоо хоногт болсон. Хуралдаанаар Монгол Улсын 2024 оны төсвийн тухай хуульд нэмэлт, өөрчлөлт оруулах тухай хуулийн төсөл болон Монгол Улсын Засгийн газрын 2024-2028 оны үйл ажиллагааны хөтөлбөрийг хэлэлцэж, өнөөдөр УИХ-д өргөн барихаар болсон байдаг.

Энэ удаагийн төсвийн тодотгол нь Засгийн газраас дэвшүүлж байгаа томоохон төсөл хөтөлбөрүүдийг эхний ээлжинд санхүүжүүлэх ёстой гэж үзээд Ерөнхий сайдын зүгээс тодорхой үүрэг чиглэлийг Сангийн яаманд өгсөн юм.