Өнгөрсөн долоодугаар сард агаарын тээврээр нийт 270.626 зорчигч зорчсон нь өмнөх оны мөн үеэс 26 хувиар өссөн үзүүлэлт аж. Үүнээс олон улсад 230.185 хүн зорчжээ.

Мөн оны эхнээс өссөн дүнгээр нийт 1.2 сая зорчигч зорчсон нь өмнөх оны мөн үеэс 30 хувиар өссөн байна. Үүнээс олон улсад 956.9 мянган зорчигч, орон нутагт 243.6 мянган иргэн зорчсон нь өмнөх онтой харьцуулахад тус тус нэмэгдсэн үзүүлэлттэй байна.

Түүнчлэн сар бүрийн зорчигч тээврийн үзүүлэлтийг харахад, 6-9 сар хүртэл ачаалал нэмэгдсэн нь зуны улиралд аялал жуулчлалын зорилгоор зорчих иргэдийн тоо нэмэгдсэнтэй холбоотой юм.

Олон улсад зорчих зорчигчдын тоон мэдээллээс үзэхэд, өнгөрсөн долоодугаар сард:

-Үндэсний агаарын тээвэрлэгч “МИАТ” ТӨХК-ийн нислэгээр 454.995 мянган зорчигч,

-“Korean Air”-ийн нислэгээр 84.2 мянга,

-“Air China”-ийн нислэгээр 82.3 мянга,

-“Хүннү Эйр” ХХК-ийн нислэгээр 72.5 мянга,

-“Туркиш эйрлайнс” ХХК-ийн нислэгээр 50.1 мянга,

-“Аэро Монголиа” ХХК-ийн нислэгээр 54.3 мянга,

-“Изинис Эйрвейз” ХХК-ийн нислэгээр 13.1 мянган үйлчлүүлэгч зорчжээ.