2024-2025 оны хичээлийн жилд хэрэгжүүлэх арга хэмжээнүүдийн талаар Боловсролын Ерөнхий газраас мэдээллээ. Тодруулбал,
-Боловсролын сайдын 2024 оны 07 дугаар сарын 25-ны өдрийн“ Сургуулийн өмнөх болон бага боловсролын сургалтын төлөвлөгөө, хөтөлбөр боловсруулах, сурах бичгийн эх зохиох, сургалтын хөтөлбөр, сурах бичгийг хянах багийн бүрэлдэхүүн батлах тухай” А/06 дугаар тушаалаар 254 хүний бүрэлдэхүүнтэй ажлын хэсэг байгуулж, 2024-2025 оны хичээлийн жилээс түшиц сургууль, цэцэрлэгүүдэд үе шаттайгаар туршин хэрэгжүүлэх бэлтгэлийг хангаж байна.
-Ерөнхий боловсролын сургуулийн 2-5 дугаар ангийн нийт 276198 суралцагч Эдүтэн цахим системийг математикийн хичээлдээ хэрэглэнэ.
-Пийрсон англи хэлний цогц хөтөлбөрт төрийн өмчийн ерөнхий боловсролын сургуулийн 5-7 дугаар ангийн 206478, туршилтын 100 сургуулийн 3-4 дүгээр ангийн 36623, ерөнхий боловсролын 38 сургуулийн 8-11 дүгээр ангийн 21417, нийт 264518 суралцагч хамрагдана.
-“Энтрепренершипд суурилсан хувь хүний ур чадварыг хөгжүүлэх“ (ESEL) чадамжид суурилсан сургалтын хөтөлбөрт 2024-2025 оны хичээлийн жилд мэргэжлийн боловсролын 2-р ангид дэвшин суралцах 8605 суралцагч хамрагдана.
-Pearson BTEC Мэдээлэл технологийн хөтөлбөрт 2024-2025 оны хичээлийн жилд 7 политехник коллежид 170 суралцагч элсүүлэхээр элсэлтийн квот батлагдсан. 3 жилийн хөтөлбөрөө амжилттай төгссөнөөр дэлхийн 300 гаруй их сургуульд шууд элсэн суралцах боломжтой.
-Коосэн хөтөлбөрт 2024-2025 оны хичээлийн жилд инженерийн чиглэлийн 5 хөтөлбөрөөр Улаанбаатар хот, Дархан-Уул, Орхон, Өмнөговь аймгийн сургуулиудад элсэн суралцах боломжтой. Орон нутгийн суралцагчид 15 наснаасаа 5 жилийн багц хөтөлбөрөөр суралцаж, 20 настайдаа инженерийн дэд бакалаврын зэрэгтэй төгсөнө.
-Математик, байгалийн ухааны болон мэргэжлийн чиглэлийн төрөлжсөн ахлах сургуулийн сургалтын төлөвлөгөө, хөтөлбөрийг хэрэгжүүлнэ.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!