Хүний эрхийн дэд хороо Цагдан хорих 461 дүгээр ангид хоригдож, улмаар эмнэлгийн тусламж авах явцдаа нас барсан иргэн О-гийн эрх чөлөөнд халдсан, эрүүдэн шүүсэн эсэх асуудлаарх мэргэжлийн байгууллагуудын мэдээллийг сонсож буй. Хуралдаанаар холбогдох албаны хүмүүсээс асуулт асууж хариулт авлаа. Энэ үеэр ХЗДХ-ийн сайд О.Алтангэрэл "Бусдыг эрүүдэн шүүсэн байж болзошгүй асуудалд цагдаагийн алба хаагч гэм буруутай нь тогтоогдвол хуулийн хариуцлага яригдана. Хувь хүний эмзэг мэдээллийг задруулсан байвал өөрийн эрх хэмжээний хүрээнд буруутай албан тушаалтнуудад хариуцлага хүлээлгэнэ" гэв.