УИХ-ын гишүүн П.Наранбаяр Монгол Улсын Боловсролын сайдаар томилогдоод удаагүй байгаа билээ. Тэрбээр саяхан 2024-2025 оны хичээлийн жилийн бүтцийг шинэчилж баталсан бөгөөд хэд хэдэн өөрчлөлтүүдийг тусгаад буй юм.

Энэ тухай тэрбээр хэлэхдээ "Хүүхдэд баллуурдах эрхийг нь өгье. Нэгдүгээр ангийн хүүхдүүдийг балаар бичүүлдэг. Буруу бичихэд нь доогуур нь хоёр зураад дахин хуулуулж хүүхдийг шийтгэдэг. Тэгж болохгүй. Алдаа хийх эрхийг нь олгохын тулд балын харандаа эсвэл арилдаг балаар бичих зөвлөмжийг Боловсролын Судалгааны Үндэсний Хүрээлэнгээс өгч байгаа.

Нөгөө талаас бидний төлөвлөгөөнд сурах бичгийг жингийн хувьд хөнгөн болгох, цахим руу аль болох шилжүүлэх ажлыг эхлүүлэхээр тусгаад байна. Цаашид боловсролын тэгш, хүртээмжтэй байдлыг хангахын тулд цахим сургалт чухал үүрэгтэй. Хүүхэд бүрд компьютер олгох системийг эхлүүлнэ. Энэ хүрээнд тооцоо судалгаануудыг хийгээд явж байна" гэв.