Нийслэлийн ИТХ-ын ээлжит бус XXII хуралдаан үргэлжилж байна. Энэ үеэр төлөөлөгч Л.Отгонбаатарын зүгээс "Төв цэнгэлдэх хүрээлэнгийн 51 хувийг хоёр иргэн хууль бусаар авч, газраас нь 10 гаруй компаниудад зарж борлуулсан гэх асуудлыг шалгаж байгаа юу" гэж тодрууллаа. Түүний асуултад Нийслэлийн Засаг даргын орлогч Л.Хосбаяр "Төв цэнгэлдэх хүрээлэнгийн өмчлөлийн маргаантай холбоотой асуудал хуулийн байгууллагад шалгагдаж байгаа. Нийслэл 100 хувь өмчдөө буцаан авсантай холбоотойгоор наадмаар багагүй хөрөнгө оруулалт хийж засаж сайжруулсан" гэв.