Нийслэлийн удирдах ажилтнуудын шуурхай зөвлөгөөн өнөөдөр болж нийслэл Улаанбаатар хотын өвөлжилтийн бэлтгэл ажлын явцын мэдээллийг танилцууллаа.
Энэ үеэр нийслэлийн засаг даргын нэгдүгээр орлогч Н.Мандуул "10 дугаар сарын эхэнд Бөөрөлжүүтийн цахилгаан станцын 150 МВт-ын хүчин чадалтай эхний блок ашиглалтад орно. Мөн 50 мВт-ын хүчин чадалтай батарей цахилгаан станцын нээлттэй тендерийг зарлаад байна. Уг станцыг мөн ирэх 10 дугаар сард ашиглалтад оруулах юм. Ингэснээр нийслэлд дутагдаад буй 200 мВт-ын эрчим хүчийг нөхнө" гэв.
Өөрөөр хэлбэл энэ өвөл нийслэлд цахилгаан хязгаарлахгүй учраас цахилгаан, дулаан хангамжаар дутагдахгүй гэдгийг албаны хүмүүс мэдээллээ.
