Өмнөговь аймгийн Ханбогд, Цагаан хад, Гашуунсухайт боомт болон Цогтцэций сумын нутаг дэвсгэрт ГЕГ-ын Зөрчилтэй тэмцэх, хэрэг бүртгэх газрын Хар тамхины хяналтын албанаас ээлжит хяналт шалгалт хийжээ.
Мөн нүүрс тээврийн жолооч нарт хар тамхи, сэтгэцэд нөлөөт бодистой холбоотой гэмт хэргээс урьдчилан сэргийлэх мэдээлэл өгч, сурталчилгааны материал тараажээ. Өмнө нь иймэрхүү байдлаар шалгалт хийхэд мансууруулах үйлчилгээтэй 8-10 кг бодис илэрснийг хурааж авсан байна.
Урьдчилан сэргийлэх, ухуулга нөлөөллийн арга хэмжээний үр дүнд зөрчил эрс буурсан нь энэ удаагийн шалгалтаар ажиглагдлаа. Шалгалтыг ЦЕГ-ын Хар тамхитай тэмцэх газартай хамтран зохион байгуулсан бөгөөд цаашид хамтарсан шалгалт тогтмол явуулахаар тогтсон байна.
