МАН-ын Бага хурал маргааш хуралдана гэх мэдээлэл байна. Хуралдаанаар сайд нарын томилгоо, Засгийн газрын бүтэцтэй холбоотой асуудлыг хэлэлцэнэ гэж эх сурвалж мэдээллээ. Бага хурлаар хамтарсан засгийн газар байгуулах эсэх тухай асуудлыг хэлэлцэхээс гадна зарим дэд сайд, холбогдох албан тушаалтнуудын томилгоотой холбоотой асуудлууд яригдах гэнэ.
Сануулахад, МАН-ын Удирдах зөвлөл өчигдөр хуралдаж, хамтарсан ЗГ байгуулахтай холбоотойгоор УИХ-д суудалтай намуудтай зөвшилцөх Ажлын хэсгийг байгуулсан. Тус Ажлын хэсэгт Ерөнхий сайд Л.Оюун-Эрдэнэ, УИХ-ын дарга Д.Амарбаясгалан, МАН-ын ЕНБД-ын үүрэг гүйцэтгэгч Я.Содбаатар нар багтаж буй юм.
