УИХ-ын сонгуулийн үйл явцтай холбоотойгоор өнөөдөр "Үндэсний эвсэл"-ийн Тэргүүн Н.Номтойбаяр мэдээлэл хийсэн. Энэ үеэрээ тэрбээр Увс аймгийн боомтоор эрүүгийн онц ноцтой гэмт хэрэгтнүүд болох Тува иргэд олноор орж ирж байна. Тэднийг ямар зорилгоор, хэн урьж залж оруулж ирж байгааг шалгах хэрэгтэй" гэсэн юм. Эл асуудалтай холбоотойгоор ХХЕГ-ын Шалган нэвтрүүлэх албаны дарга н.Мягмардорж "Увс аймгийн боомтоор эрүүгийн онц ноцтой гэмт хэрэгтнүүд олноор орж ирсэн гэх нөхцөл байдал тогтоогдоогүй. Монгол болон Орос улсын иргэд харилцан 30 хоногийн хугацаанд визгүй зорчдог" гэлээ.