ТЕГ-ын дарга асан Б.Хурцыг СЕХ-ноос нэр дэвших боломжгүй гэж үзсэн асуудалтай холбогдуулан тэрбээр өнгөрсөн 5 дугаар сарын 29-ний өдөр СЕХ-г холбогдуулсан нэхэмжлэлийг АН-ын ҮХБ-ны гишүүний хувиар нийслэлийн Захиргааны хэргийн анхан шатны шүүхэд гаргаад байсан юм. Тэгвэл шүүх хуралдаан өнөөдөр болж түүний гаргасан нэхэмжлэлийг бүхэлд нь хэрэгсэхгүй болгож шийдвэрлэжээ.

Тэгвэл нийслэлийн Захиргааны хэргийн анхан шатны шүүхээс гаргасан шийдвэрийн дагуу тэрбээр энэ удаагийн сонгуульд нэр дэвших боломжгүй болж байгаа аж.