Франц улсад төвтэй Европ дахь монгол зохиолчдын нийгэмлэг (UEAM) байгуулагдаж, албан ёсны зөвшөөрлөө авчээ. UEAM нь Европт ажиллаж амьдарч буй уран бүтээлчдээ нэгтгэх, Монголын утга зохиолыг түгээн дэлгэрүүлэх, хилийн чанадад эх хэл бичиг, үндэсний соён гэгээрлийг түүчээлэх, утга зохиол, яруу найраг сонирхдог, бичихийг хүсдэг, энэ чиглэлээр өөрийгөө хөгжүүлэх хүсэл тэмүүлэлтэй монголчууддаа урам дэм өгөх зорилготой бөгөөд тус нийгэмлэгийн тэргүүнээр зохиолч, сэтгүүлч Батчулууны Эрдэнэсолонго сонгогджээ.

Мөн уг нийгэмлэгийн хариуцлагатай нарийн бичгийн даргаар кино уран бүтээлч, орчуулагч Ш.Э.Урантуяа томилогдсон байна.