СЕХ: Нам, эвслээс ирүүлсэн нэр дэвшигчдийн материалд хийсэн шалгалтын дүнг 06 дугаар сарын 01-ний дотор танилцуулна

Ангилал
Нийгэм
Огноо
Унших
1 минут 33 секунд

УИХ-ын 2024 оны ээлжит сонгуульд оролцох улс төрийн нам эвслүүд 05 дугаар сарын 20-ны өдөр нэр дэвшигчдээ тодруулсан билээ. Хуульд зааснаар нам, эвслүүд нэр дэвшигчдээ тодруулснаас хойш буюу 05 дугаар сарын 25-ны дотор нэрсээ СЕХ-нд хүргүүлэх ёстой.

Тэгвэл УИХ-д суудалтай гурван нам өнөөдөр СЕХ-нд нэр дэвшигчдийнхээ нэрсийг хүргүүллээ. СЕХ улс төрийн нам, эвслээс ирүүлсэн нэр дэвшигчдийн материалыг хүлээж авснаас хойш долоо хоногийн дотор шалгаж, тухайн нам, эвсэлд эргэн мэдээлэх аж. Өөрөөр хэлбэл 06 дугаар сарын 01-ний дотор нэр дэвшигчдийн материалд хийсэн шалгалтын дүнг холбогдох нам, эвслүүдэд албан ёсоор танилцуулах юм байна.

Нэр дэвшигчийг бүртгэхээс татгалзах нийт 10 үндэслэлийг Монгол Улсын Их Хурлын сонгуулийн тухай хуульд маш тодорхой хуульчилсан байдаг. Тухайлбал, хуульд заасан хугацаанд нэр дэвшүүлэх ажиллагааг явуулаагүй, нэр дэвшигчид тавигдах шаардлагыг хангаагүй, өөр намын гишүүнийг нэр дэвшүүлсэн, нэр дэвшигчийн баримт бичиг дутуу бол тухайн нэр дэвшигчийг бүртгэхээс татгалзана, мөн нийт нэр дэвшигчид тавигдах хүйсийн шаардлагыг хангаагүй бол тухайн нам, эвслийн нийт нэр дэвшигчдийг бүртгэхээс татгалздаг.

Замын хөдөлгөөнийг 18:00 цагт нээлээ
Замын хөдөлгөөнийг 18:00 цагт нээлээ
 
Монгол Ардын Намын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа
Монгол Ардын Намын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц