Алслагдсан цэргийн ангид 5 ба түүнээс дээш ажиллаж буй цэргийн гэрээт алба хаагчид 5 жил тутамд мөнгөн урамшуулал олгоно

Ангилал
Улс төр
Огноо
Унших
2 минут 6 секунд

Өнөөдрийн Улсын Их Хурлын чуулганы нэгдсэн хуралдаанаар Монгол Улсын Засгийн газраас өргөн барьсан “Цэргийн алба хаагчийн эрх зүйн байдлын тухай хуульд нэмэлт, өөрчлөлт оруулах тухай” болон “Энхийг дэмжих ажиллагаанд оролцох тухай” хууль /шинэчилсэн найруулга/-ийн төслүүдийн эцсийн хэлэлцүүлгийг хийж, эцэслэн батлах бэлтгэл хангуулахаар харьяалах Байнгын хороодод шилжүүллээ.

“Цэргийн алба хаагчийн эрх зүйн байдлын тухай хуульд нэмэлт, өөрчлөлт оруулах тухай” хуулийн төсөл батлагдсанаар тус хуулийн үйлчлэлд хамаарах байгууллагуудын алба хаагчдын эрх зүйн байдал сайжирч, эдийн засгийн болон нийгмийн баталгаа дээшилж, цаашид алслагдсанд тооцох цэргийн анги, салбарт тав ба түүнээс дээш жилийн хугацаагаар алба хааж байгаа офицер, ахлагч цэргийн гэрээт алба хаагчид 5 жил тутамд 30 сарын үндсэн цалинтай тэнцэх хэмжээний мөнгөн урамшуулал олгоно.

Мөн дотоод, гадаадын цэргийн сургуульд суралцаж байгаа сонсогч, суралцагчдад цалин хөлсийг олгох эрх зүйн үндэс бүрдэж байгаагаараа ихээхэн ач холбогдолтой юм.

Энхийг дэмжих ажиллагаанд оролцох тухай /шинэчилсэн найруулга/ хуулийн төсөл батлагдсанаар Нэгдсэн Үндэстний Байгууллагын Аюулгүйн Зөвлөлийн шийдвэрээр манай улсын энхийг дэмжих ажиллагаанд оролцох төрөл нэмэгдэж, цагдаагийн байгууллага бие даасан багийг энхийг дэмжих ажиллагаанд оролцуулах эрх зүйн үндэс бүрдэнэ.

Ингэснээр Хууль зүй, дотоод хэргийн сайдын болон Зэвсэгт хүчний Жанжин штаб, Цагдаагийн байгууллагын дарга нарын бүрэн эрх, цэргийн болон цагдаагийн багийн захирагчийн чиг үүргийг хуульд тусгаж өгснөөр энхийг дэмжих ажиллагааны удирдлагын тогтолцоо боловсронгуй болж, ажиллагааны газар оронд гүйцэтгэх үүрэг гүйцэтгэлт, хариуцлага нарийвчлан зохицуулагдах юм.

Өнөө шөнөөс Орбитын замыг хааж засварлах тул нийтийн тээврийн 2 чиглэлд өөрчлөлт оруулахаар боллоо
Өнөө шөнөөс Орбитын замыг хааж засварлах тул нийтийн тээврийн 2 чиглэлд өөрчлөлт оруулахаар боллоо
 
Монгол Ардын Намын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа
Монгол Ардын Намын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц