Ардчилсан намын Улс төрийн зөвлөл өчигдөр хуралдаж, тус зөвлөлөөс намын жагсаалтыг намын дарга Л.Гантөмөр тэргүүлэх бол УИХ-ын гишүүн С.Одонтуяа хоёрдугаарт жагсаасан. Улмаар АН-ын жагсаалтын 22-т улс төр судлаач Х.Номингэрэл бичигдээд байсан юм. Тэгвэл түүнийг өнгөрсөн шөнө жагсаалтаас хасжээ. Тэрбээр энэ талаар "Хоёр дэлдэнгээрээ яах аргагүй 22-т гэж сонссон нэр маань шөнө дунд намын жагсаалтаас алга болчихож. Буянаараа болог" гэжээ.
