ЧОНОНД ХАЗУУЛСАН ОХИН: Чоно миний зүүн мөрнөөс хазах гэж оролдохоор нь баруун гараараа хэд хэд цохиод, аавыгаа дуудаж чадсан

Ангилал
Нийгэм
Огноо
Унших
1 минут 55 секунд
Гэрэл зураг: УВС телевиз

Цахим орчинд Увс аймагт 13 настай охин хонио усалж байх үед нь чоно дайрч, охин эсэн мэнд гарсан талаарх мэдээлэл тархсан. Тэгвэл одоогоор охины биеийн байдал хэвийн байгаа бөгөөд Увс аймгийн Нэгдсэн эмнэлгийн Гэмтлийн тасагт хэвтэн эмчлүүлж буй. Мөн тус охин болон эмчлэгч эмчээс УВС HD телевиз дараах тодруулга мэдээллийг авч хүргэжээ. Тодруулбал,

Н.Удвал охин, "Би аавтайгаа хамт хонио усалж байсан юм. Гэтэл мал гэнэт үргэхээр нь хойш хартал юу ч байгаагүй. Тэгтэл гэв гэнэт чоно гараад ирсэн. Урд хоёр хөлөө мөрөн дээр тавиад, зүүн талын мөрнөөс хазах гэж оролдохоор нь баруун гараараа цохьсон юм. Гэтэл миний гарыг хазчихсан. Тэгээд дахин, дахин цохиж байгаад зугтаад аавыгаа дуудтал аав чулуу шидсэн чинь аав руу дайрсан. Тэгээд аав хөөсөн чинь уул руу гүйчихсэн" гэв.

Охинд эмнэлгийн тусламжийг цаг алдалгүй үзүүлсэн бөгөөд одоогоор шаардлагатай вакцинуудыг хийж буй аж. Мөн чононд хазуулсан баруун гарт нь 3 оёдол тавьжээ.

Мөн Увс аймгийн Нэгдсэн эмнэлгийн Гэмтлийн тасгийн эрхлэгч эмч Б.Батсүх дараах мэдээллийг өгсөн байна. Тэрбээр,

"Хүүхдийн биеийн байдал тогтвортой байна. Авхаалж самбаа гаргаж өөрийнхөө амь насыг хамгаалж чадсан байна. Тухайн үед амь насанд эрсдэлтэй бүх хэсгүүдэд шарх сорви үүссэн байсан. Галзуугийн эсрэг вакцин хийсэн" гэлээ.

СОНГУУЛЬ 2024: Сонгуульд санал өгөх гадаад дахь иргэдийн бүртгэл ирэх зургаадугаар сарын 15-н хүртэл үргэлжилнэ
СОНГУУЛЬ 2024: Сонгуульд санал өгөх гадаад дахь иргэдийн бүртгэл ирэх зургаадугаар сарын 15-н хүртэл үргэлжилнэ
 
МАРГААШ: Улаанбаатарт 20 хэм дулаан
МАРГААШ: Улаанбаатарт 20 хэм дулаан
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц