ЗӨСҮТ-ийн Баянхонгор аймгийн Зоонозын өвчин судлалын төвөөс ус, намгийн шувуудын ажиглалт хийжээ. Тодруулбал, Баацагаан сумын Бөөнцагаан нуурт 2024 оны 04 дүгээр сарын 30-наас 05 дугаар сарын 01-ний өдрүүдэд хийсэн ус, намгийн шувуудын хаврын ажиглалтаар 16 зүйлийн 5232 шувууд тоологджээ.

Ажиглалт тооллого хийх явцад шувуудын хөдөлгөөн, сонор сэрэмж хэвийн байсан бөгөөд сумын Эрүүл мэндийн төвийн эмч ажилтнууд болон нуур орчмоор нутаглаж буй иргэд, малчдад шувууны томуу өвчний тухай, түүнээс урьдчилан сэргийлэх заавар зөвлөмж өгч ажиллажээ.