Энэ мэдээ хуучирсан буюу 2024/05/09-нд нийтлэгдсэн мэдээ болно.

Г.Дамдинням: Англи хэлийг бага ангиас нь зааснаар хүүхдүүдэд гарааны тэгш боломж бүрдэнэ

Ангилал
Улс төр
Огноо
Унших
2 минут 47 секунд

Боловсролын хууль багшийн нийгмийн асуудлыг шийдэж, хөдөөд багш нарыг урин дуудаж байгаа. Англи хэлний багш нар хөдөөг зорих болжээ.

Төв аймгийн Цээл, Угтаалцайдам сумд УИХ-ын гишүүн Г.Дамдинням ажиллах үеэр багш нар англи хэлийг бага ангиас заах хуулийн шинэчлэлийг цаг үеэ олсон чухал заалт хэмээн үнэллээ. Хөдөөгийн хүүхдүүд цахим орчинд цагийг өнгөрүүлэх нь нэмэгдсэнээр, бага ангид элсэхдээ л англиар ганц хоёр үг хэлдэг, зарим нь бүтэн өгүүлбэр хэлэх дайны чадвартай болсон байна. Иймээс яг энэ үеэс нь эхлэн сурагчдад англи хэл зааснаар тэднийг чанартай, цэгцтэй гадаад хэлний чадварт суралцах суурийг бүрдүүлж, 12 дугаар ангиа төгсөхөд хотын болон хувийн сургуулийн сурагчидтай ижил түвшний ур чадвартай болох боломжтой гэж орон нутгийн багш нар хэлж байлаа.

Энэ талаар Төв аймгийн Цээл сумын цэцэрлэгийн багш Б.Гүнтэвтуяа “Би бол англи хэлийг бага ангиас нь үзэхэд асуудалгүй гэж бодож байгаа. Англи хэл бол дэлхийн хэл” гэсэн юм.

Мөн Угтаалцайдам сумын ЕБС-ийн бага ангийн багш Д.Ариунжаргал “Хүүхдүүд англи хэлийг багаасаа зөнгөөрөө сурч байна. Заримдаа сумдын багш бид чинь хүүхдүүдийнхээ өмнө гологдох шинжтэй. Нэгэнт англи хэл дэлхий нийтийн хэрэглээ болсон тул Г.Дамдинням гишүүн хуульд бага ангиас нь заахаар оруулж өгсөн нь зөв шийдвэр байсан. Харин багшлах боловсон хүчинг л сайн шийдэж өгөөрэй гэж хүсье.

Боловсролын багц хуулиар багшийн нийгмийн асуудлыг шийдэж, хөдөөд багшийг урин дуудаж байгаа. Үүгээр англи хэлний олон багш хөдөөг зорих байх. Гэхдээ англи хэлний багшийн хангамжийг зөвхөн энэ зохицуулалтад найдахгүйгээр бусад арга хэрэгслээр одооноос анхаарч байх нь зөв” гэлээ.

Хөдөөгийн иргэдийн хувьд хүүхэд нь сумд сурснаар хотын, тэр дундаа хувийн сургуулийн хүүхдүүдээс мэдлэг чадварын хувьд хоцрох вий гэх айдастай байдаг. Тэгвэл англи хэлийг хөдөө, хот ялгалгүй зааснаар боловсролын энэ зааг ялгаа бага ч болов арилж, ижил тэгш гарааны нөхцөл бүрдэх боломж нээгдэнэ гэдэгт итгэж буйгаа иргэд хэллээ.

Прокурор 259 гомдол, хүсэлтийг хянан шийдвэрлэжээ
Прокурор 259 гомдол, хүсэлтийг хянан шийдвэрлэжээ
 
Сэлбэ, Дунд гол дагуух ААН-үүд өнөө шөнөдөө багтаж голын лаг хагшаасыг цэвэрлэнэ
Сэлбэ, Дунд гол дагуух ААН-үүд өнөө шөнөдөө багтаж голын лаг хагшаасыг цэвэрлэнэ
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц