Өнөөдөр Лейкерс, Рокетс багуудын цувралын ээлжит тоглолт болж 112:102 харьцаатайгаар Лейкерс хожил байгуулсан. Леброн Жеймс 36 оноо, 7 самбар, 5 ашигтай дамжуулалтыг багийнхандаа өгч хожилд хөтөлсөн нь түүний плэйоффийн карьерийн 162 дахь хожил байсан ба энэ нь НБЭ-ийн бүх цаг үеийн НЭГТ орох үзүүлэлт юм. Түүнээс өмнө энэхүү статистикийг 5 удаагийн аварга Дерик Фишер эзэмшиж байжээ.

Үүнээс гадна Леброн плэйоффийн түүхэнд хамгийн их оноо авсан, амжилттай довтолгоо хийсэн, бөмбөг тасласан зэрэг амжилтуудыг эзэмшдэг. Мөн ашигтай дамжуулалт өгсөн тоогоор гуравт, самбараас бөмбөг авсан тоогоор зургаад явж байна.