Эрүүл мэндийн яамнаас орон нутагт урьдчилан сэргийлэх, эрт илрүүлэг үзлэг оношилгоог зохион байгуулж буй. Энэ хүрээнд улсын гуравдугаар төв эмнэлгийн эмч нараар ахлуулсан явуулын баг Ховд аймгийн Булган суманд ажиллаж байна. 19 хүний бүрэлдэхүүнтэй эмч нарын баг тав хоногт нийт 400 орчим иргэнийг эрт илрүүлэгт хамруулжээ.

Явуулын баг эмнэлгийн зориулалтаар иж бүрэн тоноглосон хоёр автомашинтай үзлэг хийж байгаа юм. Энэ хүрээнд нэг машиндаа лабораторийн шинжилгээ, дурангийн оношилгоо, эмэгтэйчүүдийн үзлэг хийж буй бол нөгөөд нь рентгенд харах, шүд, чих хамар хоолой, нүд, дотрын эмчийн үзлэгийг хийж байгаа юм байна.