"Хүүхдийн-100" орчимд байрлах "Хангай" зочид буудлын барилгыг нураах цаг нь болсон гэж Хотын даргын орлогч О.Номинчимэг мэдээлэл хийв. Тэрбээр "Тус зочид буудалтай хоёр асуудал байна. Эзэмшигч нь өнгөрсөн 30 жилийн хугацаанд нэг ч татвар төлөөгүй. Мөн энэ зочид буудал нь аюулгүй байдал огт хангахгүй гэмт хэрэг зөрчлийн үүр болж байна. Буянгийн Жагаа, "Номин"-гийн Ш.Баярсайхан нар нийлж компани байгуулж, "Хангай" зочид буудлын доод давхрыг нь ажиллуулж байгаа хэрнээ татвар төлөхгүй байна" гэлээ.
