Дотоодын гурилын үнэ эрчимтэй өссөн тул Засгийн газраас гурилыг гаалийн албан татвараас чөлөөлөх хуулийн төслийг УИХ-д өргөн барьсан билээ. Холбогдох байнгын хороод болон УИХ-аар уг хуулийн төслийг хэлэлцсэн.

Түүнчлэн, УИХ-ын дарга Г.Занданшатар гурилын үнийн хөөрөгдөлд хяналт шалгалт хийх үүрэг бүхий ажлын хэсгийг байгуулж, ахлагчаар нь УИХ-ын гишүүн Ж.Бат-Эрдэнийг томилоод байсан билээ.

Түүний ахалсан ажлын хэсэг энэ сарын 6,7-ны амралтын өдрүүдэд зах, худалдааны төвүүдэд ажиллаж, гурилын үнийн өсөлтөд шалгалт хийж, зохиомлоор үнэ хөөрөгдсөнийг тогтоосон тухай тэрбээр мэдэгдсэн байдаг.

Тэгвэл УИХ-ын өнөөдрийн чуулганаар гурилыг гаалийн албан татвараас чөлөөлөх тухай хуулийн төслийг 96.5 хувийн саналаар эцэслэн баталсан юм.