Их, дээд сургуульд Оюутан элсүүлэх журмын өөрчлөлтийн талаар мэдээлэл өгч байна.

--------------------------

Элсэлтийн ерөнхий шалгалтын босго оноо хүрээгүй суралцагчдыг их дээд сургуульд элсүүлсэн зөрчил илэрч байгааг Боловсрол шинжлэх ухааны яамнаас мэдээлэв. Тус яамны мэргэжилтний мэдээлснээр хяналт шалгалтаар их дээд сургуулиуд системд бүртгэлгүй суралцагчдыг төлбөрийг нь авч элсүүлдэг зөрчил илэрчээ. Ийм асуудлыг энэ жилийн Элсэлтийн ерөнхий шалгалтад гаргахгүй байхыг Боловсрол шинжлэх ухааны яамнаас хатуу сануулж буйг анхаарууллаа. Тодруулбал, элсэлтийн ерөнхий шалгалтын босго оноо нь хүрээгүй суралцагчийг их дээд сургуульд элсүүлсний дараа элсэлтийн ерөнхий шалгалтыг нь өгүүлэхээр тохирдог ч тухайн элсэгч нь шалгалтад тэнцдэггүй зөрчил цөөнгүй гарсан байна. Мөн оюутан элсүүлэх журамд хоёр хувилбартай нэгдмэл агуулга руу ирэх жилээс оруулахаар төлөвлөжээ.