“Эмийн үнийн өсөлтийн шалтгаан, нөхцөлийг хянан шалгах” үүрэг бүхий түр хорооны нотлох баримтыг шинжлэн судлах сонсгол өнөөдөр (2024.04.17) гурав дахь өдрөө үргэлжилж байна. Өнөөдрийн сонсголоор эмийн бүртгэл болон чанарын хяналтын талаар мэдээллийг сонсож байна. Энэ үеэр шинжээч "2018 онд хийсэн судалгаагаар Баян-Өлгий аймаг болон СХД-т стандарт бус эмийн тархалт хамгийн өндөр гарсан. Стандарт бус эм Монгол Улсын зах зээл дээр байгаа эмийн 10.1 хувийг эзэлж байна" гэлээ.