Эмийн үнэ, чанарын асуудлаар нотлох баримтыг шинжлэн судлах сонсгол үргэлжилж байна. Өнөөдрийн сонсголоор Монгол Улсын эм зүйн салбарын өнөөгийн нөхцөл ба тулгамдаж буй асуудал, зайлшгүй шаардлагатай болон хөнгөлөлттэй эмийн зохицуулалт, зайлшгүй шаардлагатай эмийн жагсаалтад албан тушаалтны нөлөөлсөн байдал, төрийн байгууллага дахь эм хангамжийн байгууллагын хамаарлыг судалж байгаа билээ.

Энэ үеэр шинжээчийн зүгээс уналт, таталтын эсрэг эмэнд Л-Карнитин гэх тураах үйлдэлтэй эмийг оруулж импортын лиценз гаргасан талаар мэдээллийг өгсөн. Үүнтэй холбогдуулан тус эмийн талаар ЭМЯ-ны ТНБД асан Ц.Эрдэмбилэг "Шинжээчийн дүгнэлттэй санал нийлэхгүй байна. Л-Карнитин гэдэг эмийг google-р хайгаад үзэхэд л 1998 оноос эхлээд хүүхдийн эпилепсид хэрэглэж ирсэн талаар судалгаа бий" гэв.