Чингис Хаан Олон Улсын Нисэх Буудал гаалийн газрын Нисэх буудлын гаалийн хяналтын бүсэд 2024 оны 03 дугаар сарын 29-ний өдөр үүрийн 05:07 цагт буусан ОМ162 аяллын дугаартай Станбул-Улаанбаатар чиглэлийн онгоцоор ирсэн зорчигчийн гар тээшинд Гаалийн байгууллагад мэдүүлээгүй Монгол Улсын эмийн бүртгэлд бүртгэлгүй 12,75 кг тарифын бус хязгаарлалт тогтоосон эм, тариаг хууль бусаар нэвтрүүлэхийг завдсан зөрчил илэрсэн байна. "Одоогоор шалган шийдвэрлэх ажиллагаа явуулж байна" гэж ГЕГ-аас мэдээллээ.