УИХ дахь АН-ын бүлэг хуралдаанаараа хэлэлцсэн асуудлуудаар мэдээлэл хийлээ. Энэ үеэр АН-ын бүлгийн дарга О.Цогтгэрэл "Олон улсын индексээр 2016 онтой харьцуулахад гадагш дайжсан иргэд 3 гэсэн индекстэй байсан бол өнөөдөр 4.2-т хүрсэн байна. Ядуурал, улс төрийн тогтворгүй байдал мөн авлигажсан тогтолцоотой холбоотойгоор иргэд эх орноосоо дүрвэдэг юм байна.

Монгол Улс авлигалын индексээр байр ухрам тусам залуус гадагш явж байна. МАН-ын эрх барьсан 8 жилд оюуны дайжилт явагдлаа. Авлигатай тэмцэж байна гээд байдаг гэтэл авлигал нь улам ихсээд байдаг. Уг нь буурах ёстой биз дээ. Залуучууд ажиллах тусам ядуурдаг эдийн засгийн тогтолцоо бий болчихлоо. МАН-ын 8 жилийн мөрийн хөтөлбөр 4 жилийн амлалтын биелэл нь ийм байна" гэсэн юм.